“BIZ SOG‘LOM YOSH OILAMIZ” MUSOBAQASI QIZG‘IN BAHSLARGA BOY O‘TDI

Kimyo va farmatsevtika sanoati xodimlari kasaba uyushmasi Respublika kengashi tashabbusi bilan “11-noyabr – O‘zbekiston kasaba uyushmalari kuni” munosabati bilan tarmoq tizimidagi korxona, tashkilot va muassasalarda “Biz sog‘lom yosh oilamiz” shiori ostida o‘tkaziladigan oilaviy sport musobaqasi to‘g‘risida”gi qarori ijrosini taʼminlash maqsadida hududiy II bosqichi “Ammofos-Maxam” korxonasida bo‘lib o‘tdi.

“Biz sog‘lom yosh oilamiz” musobaqasini o‘tkazishdan maqsad tarmoq tizimidagi korxonalarda ishlab kelayotgan yoshlar va ularni oilalarini qo‘llab-quvvatlab borish va birlashtirishdan iboratdir.

Musobaqa tadbirida Kimyo va farmatsevtika sanoati xodimlari kasaba uyushmasi Respublika kengashi raisi Alimdjanova Nigora Adxamovna, Respublika kengashi mutaxassislari, boshlang‘ich kasaba uyushmasi tashkilotlari raislari ва xodimlar ishtirok etdilar.

Ishtirokchi oilalar jami 5 ta shartda bellashishdi va yakunda hakamlar xulosasiga ko‘ra, 1-oʻrinni “Maxam-Chirchiq” AJdan Tursunovlar oilasi, 2-oʻrinni  “Birinchi rezinotexnika zavodi” MChJ XKdan Aminovlar oilasi va 3-oʻrinni “Ammofos-Maxam” AJdan Aliyevlar oilasi egalladi.

G‘oliblar kasaba uyushmalari tomonidan esdalik sovg‘alari bilan taqdirlandilar.