VATAN HIMOYACHILARI KUNI MUNOSABATI BILAN SPARTAKIADA MUSOBAQASI O‘TKAZILDI

Vatan himoyasi, sarhadlar mustahkamligini saqlash yurtning har bir o‘g‘loni, mard farzadining burchidir.

“Qizilqum fosforit kompleksi” MChJ o‘g‘lonlari o‘rtasida o‘tkazilgan spartakiada o‘yinlari O‘zbekiston Respublikasi Qurolli kuchlari tashkil etilganligining 33 yilligi hamda Vatan himoyachilari kuniga bag‘ishlandi.

Unda ishtirokchilar uzunlikka sakrash, darts mahorati, turnik va brus tortilish shartlari bo‘yicha kuchlarini sinadilar.

Musobaqa yakuniga ko‘ra, 1-o‘rinni “Tashkura” karyer elektrgaz payvandlovchisi Begzod Hakimov, 2-o‘rinni “Tashkura” karyer bosh geolog o‘rinbosari Elyor Fayziyev va 3-o‘rinni Tarmoq va potstansiyalar elektromontyori Shohijahon Meliyev g‘olib deb topildi.

 G‘oliblar korxona rahbariyati va kasaba uyushmasi qo‘mitasi tomonidan pul mukofoti bilan taqdirlandi.