“11-NOYABR ‒ O‘ZBEKISTON KASABA UYUSHMALARI KUNI” BAYRAMI TADBIRLARIDA YOSHLAR KENG QAMRAB OLINADI

          Tarmoq tizimidagi “Maksam-Chirchiq” AJ kasaba uyushma qo‘mitasida kasaba uyushma  faollarining navbatdagi kengaytirilgan  yig‘ilishi  bo‘lib  o‘tdi.  Unda yillik ish rejasi bo‘yicha  masalalar  ko‘rib  chiqildi. Korxonaning yubilyar kasaba uyushma raislari esdalik sovg‘alar  bilan  rag‘batlantirildi.  Shuningdek, mehnat  va  texnologik  intizomga  amal  qilish  haqida  alohida to‘xtalib  o‘tildi.

        Yig‘ilishda “11-noyabr ‒ O‘zbekiston kasaba uyushmalari kuni”ga bag‘ishlangan chora-tadbirlar dasturi ko‘rib chiqildi. Boshqaruv raisining yoshlar masalalari bo‘yicha maslahatchisi R. Baydullayev kasaba uyushmasi bilan hamkorlikda amalga oshirilayotgan tadbirlar haqida axborot berdi va “11-noyabr ‒ O‘zbekiston kasaba  uyushmalari kuni” bayrami munosabati bilan yosh xodimlar vakillari keng qamrab olinishini aytib o‘tdi.