“YONG`IN XAVFSIZLIGI OYLIGI” O`TKAZILMOQDA

Favqulotda vaziyatlarning oldini olish va ularni bartaraf etish bo`yicha Hukumat komissiyasining 2022-yil 10-noyabr kuni tasdiqlangan 49-sonli bayoniga asosan mamlakatimizda joriy yilning 15-noyabrdan 15-dekabrgacha “Yong`in xavfsizligi oyligi” o`tkazilib kelinmoqda.

Yong`in xavfsizligi oyligidan ko`zlangan asosiy maqsad, yurtimiz hududida ob-havoning keskin sovuqlashib ketishi va qish mavsumi boshlanishi oldidan yong`inlarning oldini olish hamda yong`in xavfsizligini taʼminlash chora-tadbirlarini kuchaytirish, qolaversa korxona va tashkilotlarning xodimlari o`rtasida keng ko`lamli targ`ibot-tashviqot tadbirlarini amalga oshirishdan iborat.

Shu munosabat bilan joriy yilning 25-noyabr kuni “Dehqonobod kaliy zavodi” АJda yong`in xavfsizligini taʼminlash bo`yicha o`quv mashg`uloti o`tkazildi.

Tadbirda ko`ngilli o`t o`chirish drujinalari faoliyatini faollashtirish, Davlat yong`in nazorati organlari ko`rsatmalarini bajarish, shuningdek yong`inlarni oldini olish bo`yicha xodimlarning bilim va malakasini oshirishga alohida eʼtibor berildi.

Tadbir davomida xodimlar o`zlarini qiziqtirgan savollarga mutaxassislardan batafsil javob oldilar.