Тармоқ тизимидаги “Деҳқонобод калий заводи” AЖ da “Кимёгарлар куни” касб байрамига бағишланган тантанали байрам тадбири бўлиб ўтди.
Байрамда жамиятнинг ишчи-ходимлари учун эрталабдан дастурхон ёзилиб, дошқозонларда ошлар дамланди. Байрам сифатида очиқ осмон остида сайллар ташкил этилди. Хайр-саҳоват, меҳр-оқибат ушбу даврага ўзгача файз бағишлаб турди.
Санъаткору созандалар, бахши ва қизиқчиларнинг чиқишлари ҳам байрам дастуридан муносиб ўрин эгаллади. Шунингдек, “Жажжи кимёгар” мактабгача таълим муассасаси тарбияланувчиларининг ажойиб чиқишлари ва рақслари барчага қувонч бағишлади.
Тадбирнинг расмий қисмида корхонада фидокорона меҳнат қилиб, ишлаб чиқариш кўрсаткичларини оширишда ўз ҳиссасини қўшиб келган 11 нафар ходимга «Ўзкимёсаноат» АЖ томонидан, 10 нафарига «Деҳқонобод калий заводи” AЖ томонидан, Деҳқонобод туман ҳокимлиги билан ҳамкорлиги учун 10 нафар ходимга фахрий ёрлиқлар ва пул мукофотлари топширилди.
Шунингдек,, 6 нафар корхонада ишлаб нафақа ёшига етган ходимлар нафақага кузатилиб, 3 нафар “Энг яхши илмий ва рақамли ишланмалар таклифи” кўрик танлови ғолиблари ҳам рағбатлантирилди.
Касб байрами муносабати билан ташкил этилган эркаклар ўртасида мини футбол ва волейбол, аёллар ўртасида ўтказилган волейбол мусобақаларининг ғолибларига совғалар топширилди.
Spelling error report
The following text will be sent to our editors: