“MAXAM-CHIRCHIQ” AJDA JAMOA SHARTNOMASINING BAJARILISHI YAKUNI BO‘YICHA KONFERENSIYA O‘TKAZILDI

Tarmoq tizimidagi “Maxam-Chirchiq”  Aksiyadorolik  jamiyatida korxona jamoa  shartnomasida belgilangan  majburiyatlarni 2021-yilda bajarish bo‘yicha mehnat  jamoasining  onlayn-video Konferensiyasi o‘tkazildi.

Konferensiyada  235  nafar  saylangan delegatlar  qatnashdi.

Kun  tartibi  bo‘yicha 2021-yilda jamoa  shartnomasida  qabul qilingan o‘zaro ikki tomonlama majburiyatlarning bajarilishining natijalari sarhisob qilinib, 2022-2024-yillar uchun yangi nashrga qo‘shimcha va o‘zgartirishlar kiritilishi belgilandi.

Korxona  Boshqaruv raisi  X.A.Saydaxmedov  va  kasaba  uyushma  qo‘mitasi  raisi  B.M.Abdullayevlarning axboroti  tinglandi.

2022-2026-yillarga mo‘ljallangan Yangi O‘zbekistonning taraqqiyot strategiyasi hamda uning yettita ustuvor yo‘nalishi mazmun-mohiyati va uni “Inson qadrini ulug‘lash va faol mahalla yili”da amalga oshirishga oid davlat dasturi to‘g‘risida  alohida to‘xtalib  o‘tildi.

Jamoa shartnomasida belgilangan bandlarni yuzasidan quyidagi ishlar amalga oshirildi. Jumladan, ishlab chiqarishda baxtsiz hodisalarning oldini olish, bu borada korxonada amaliy yordam ko‘rsatish bo‘yicha tegishli ishlar olib borildi. Faollarga,  mehnat  muhofazasi  vakillariga  mehnatni muhofaza qilish qonun-qoidalariga rioya qilish, mehnat standartlarini tatbiq etish, xavfsiz mehnat sharoitlarini yaratib berish ta’kidlab  o‘tildi.

Yoshlarni ma’naviy dunyoqarashini o‘stirish, o‘z yurti bilan faxrlanish, Vatanga sadoqat ruhida tarbiyalashga qaratilgan targ‘ibot ishlariga alohida e’tibor qaratildi.

 Jamoa shartnomalariga kiritilgan barcha imtiyoz va kafolatlar ijrosiga alohida e’tibor qaratildi.

Korxonaning “Madad” nafaqadorlar uyushmasi a’zolari – faxriylariga, yoshlarga, hamda ayollarga ham alohida e’tibor  berilgani ta’kidlab o‘tildi.

Konferensiyada so‘zga chiqqan ma’ruzachilar tomonidan muzokaralar olib  borildi va  korxona hamda  kasaba  uyushma qo‘mitasi  tomonidan qilingan ishlar bo‘yicha munosabat bildirildi, uni yanada yaxshilash yuzasidan o‘z takliflarini berishdi. Konferensiya yakunida kun tartibiga qo‘yilgan masalalar yuzasidan tegishli qarorlar qabul qilindi.