“DEHQONOBOD KALIY ZAVODI” AJda “VATAN UCHUN, MILLAT UCHUN, XALQ UCHUN!” SHIORI OSTIDA TADBIRLAR OʻTKAZILDI

Бош саҳифа

Oʻzbekiston Respublikasi davlat mustaqilligining oʻttiz toʻrt yillik shonli sanasini chinakam umumxalq bayrami sifatida koʻtarinki kayfiyatda kutib olish maqsadida Kimyo va farmatsevtika sanoati xodimlari kasaba uyushmasi Respublika kengashi va tarmoq tizimidagi korxonalar tomonidan ishlab chiqilgan chora-tadbirlar dasturi asosida tadbirlar tashkil etilmoqda.

Jumladan, tarmoq tizimidagi “Dehqonobod kaliy zavodi” AJ rahbariyati va kasaba uyushmasi qoʻmitasi hamkorligida Oʻzbekiston Respublikasi davlat mustaqilligining oʻttiz toʻrt yilligi va korxonaning tashkil topganligining oʻn besh yilligi munosabati bilan qator tadbirlar tashkil etildi.

Jumladan, “Dehqonobod kaliy zavodi” AJ bayram tadbirlari doirasida xodimlarning fidokorona mehnati munosib eʼtirof etildi.

Korxona rivojiga munosib hissa qoʻshgan bir guruh soha vakillariga Kasaba uyushmasi Respublika kengashi va “Dehqonobod kaliy zavodi” AJning  faxriy yorliqlari va esdalik sovgʻalari topshirildi.

Shuningdek, korxonada koʻp yillar mehnat qilgan va nafaqa yoshiga yetgan fidoyi xodimlar tantanali tarzda nafaqaga kuzatildi. Ularning  uzoq yillar davomida olib borgan samarali faoliyatlari, sadoqatlari va tajribalari eʼtirof etildi.

Bayram munosabati bilan “Vatan uchun, millat uchun, xalq uchun” shiori ostida oʻtkazilgan sport musobaqalarining gʻoliblari taqdirlandi.

Sportning turli yoʻnalishlarida oʻtkazilgan musobaqalar xodimlar oʻrtasida sogʻlom turmush tarzini targʻib etish bilan birga, jamoa birligi va hamjihatligini ham yaqqol namoyon etdi.

“Dehqonobod kaliy zavodi” AJ rahbariyati va kasaba uyushmasi qoʻmitasi hamkorligida  30 nafar kam taʼminlangan oila farzandlari uchun sunnat toʻylari oʻtkazib berildi va esdalik sovgʻalari topshirildi. Ushbu xayrli ish ota-onalar va ularning farzandlarining quvonchiga quvonch qoʻshdi.

Tadbirlar dasturiga koʻra “Vatan uchun, millat uchun, xalq uchun” shiori ostida konsert dasturi tashkil etildi. Konsert davomida taniqli sanʼatkorlar ijrosida kuy-qoʻshiqlar yangradi, raqs jamoalari va yosh isteʼdodlar chiqishlari barchaga bayramona kayfiyat ulashdi.

Oʻtkazilgan bayram tadbirlari korxona jamoasi va mehmonlarda unutilmas taassurot qoldirdi.

Print Friendly, PDF & Email