KORXONADA KIBERSPORT BO‘YICHA MUSOBAQA BO‘LIB O‘TDI

Oʻzbekiston Respublikasi Prezidentining “Kibersport turlarini yanada rivojlantirish va keng ommalashtirishga oid qo‘shimcha chora-tadbirlar to‘g‘risida”gi qarori ijrosini ta’minlash maqsadida joriy yilning 20-noyabr kuni “Farg‘onaazot” AJ korxonasi xodimlari o‘rtasida kibersport musobaqalari bo‘lib o‘tdi.

Bu gal, kibersportning FIFA turi boʻyicha o‘tkazilgan musobaqada, korxonaning seh va bo‘limlarida faoliyat yuritayotgan 18 nafar xodimlar ishtirok etishdi. Qizg‘in va murosasiz kechgan musobaqada g‘oliblar aniqlandi, unga ko‘ra faxrli 1-o‘rinni Axborot kommunikatsiya texnologiyalari boshqarmasi xodimi Bakirov Hayotjon, 2-o‘rinni Xaridlarni transformatsiya qilish boʻlimi mutaxassisi Amirbekov Abrorbek egalladi, faxrli 3-o‘rinni Ijtimoiy rivojlanish va jamoatchilik bilan aloqalar bo‘limi mutaxassisi Umarov Nasibjon egalladi.

G‘olib va sovrindorlar korxona kasaba uyushmasi qo‘mitasi tomonidan taqdirlanadi.