“BIZ SOG‘LOM YOSH OILAMIZ” MUSOBAQASINING HUDUDIY BOSQICHI QIZG‘IN BAHSLARGA BOY O‘TDI

Kimyo va farmatsevtika sanoati xodimlar kasaba uyushmasi Respublika kengashi tashabbusi bilan o‘tkazilayotgan  “Biz sog‘lom yosh oilamiz” shiori ostidagi musobaqani Navoiy viloyati hududi bo‘yicha II bosqichi tarmoq tizimidagi “Navoiyazot” AJda o‘tkazildi.

Musobaqada Kimyo va farmatsevtika sanoati xodimlari kasaba uyushmasi Respublika kengashi raisining yoshlar masalalari bo‘yicha rais maslahatchisi Shavkat Toirov va «Navoiyazot» AJ kasaba uyushmasi qo‘mitasi raisi Feruza Fayziyeva ishtirok etishdi.

Musobaqani korxonalarda mehnat qilayotgan xodimlar orasida sog‘lom turmush tarzini keng targ‘ib etish, oilaviy sportni rivojlantirish, soha vakillarining jismoniy faolligini oshirish maqsadida tashkil etildi. Musobaqa qizg‘in bahslarga to‘la o‘tdi va hakamlar xulosasiga ko‘ra, barcha shartlarda faollikni namoyon etgan “Dehqonobod kaliy zavodi”AJ sharafini himoya qilgan Tashmatovlar oilasi 3-o‘rinni, “Qo‘ng‘irot soda zavodi” MCHJ QKda mehnat qilayotgan Jumamurodovlar oilasi vakillari 2-o‘rinni va faxrli 1-o‘rinni “Navoiyazot”AJ nomidan ishtirok etgan Umrzoqovlar oilasi egalladilar va musobaqani final bosqichiga yo‘llanmani qo‘lga kiritishdi.

Barcha g‘olib va sovrindorlarga kasaba uyushmasi tomonidan rag‘batlantiriluvchi sovg‘alar taqdim etildi.