Tarmoq tizimidagi “Navoiyazot” AJning faollar zalida yangi yil munosabati bilan bayram tadbiri o‘tkazildi.
Unda korxona rahbariyati, mas’ullar kasaba uyushmasi qo‘mitasi faollari va jamiyat xodimlari ishtirok etdilar.
Tadbirda jamiyat boshqaruvi raisi Farrux Samadov korxona xodimlarini muborakbod etdi. Poyoniga yetayotgan yilda erishilgan natijalar sarhisob qilinib, kimyogarlarning samarali mehnati e’tirof etildi.
“Farhod” madaniyat saroyi yakkaxon xonandalari va xoreografik jamoalarining musiqiy chiqishlari barchaga yana bir bor bayram kayfiyatini ulashdi.
Korxona kasaba uyushmasi qo‘mitasi tomonidan xodimlarning farzandlariga Yangi yil sovg‘alari tarqatilmoqda.
Yangi yil bayrami shodiyonalari korxonaning har bir sehida yuqori kayfiyatda o‘tkazilmoqda. Jumladan, korxonaning Ammiak ishlab chiqarish sehi xodimlari yangi yilni koʻtarinki ruhda qarshi olishmoqda. Bayram bezaklari, archa, taomlar bilan toʻlgan dasturxon va samimiy niyatlar barchaga ayyom kayfiyatini ulashdi.
Spelling error report
The following text will be sent to our editors: