Қашқадарё вилояти Деҳқонобод шаҳрида Кимё ва фармацевтика саноати ходимлари касаба уюшмаси Хотин-қизлар комиссияси ташаббуси билан “Хотин-қизларнинг меҳнат ҳуқуқлари ҳимояси” мавзуидаги семинар бўлиб ўтди. Семинарда тармоқ касаба уюшмаси Республика Кенгаши раиси Халилова Мавжуда Хамдамовна, тармоқ бошланғич касаба уюшма қўмита раислари ҳамда Хотин-қизлар комиссияси раислари иштирок этдилар.
Тадбирда ижтимоий-сиёсий фаол аёллар жамият тараққиётининг етакчи кучи эканлиги алоҳида таъкидланиб, юртимизда хотин-қизлар ҳуқуқлари ва эркинлигини таъминлашнинг мустаҳкам ҳуқуқий базаси шакллантирилгани, уларнинг мамлакатимиз ҳаётининг барча жабҳаларида фаол иштирокини таъминлашга қаратилган кенг кўламли чора-тадбирлар амалга оширилаётгани қайд этилди.
Юқори даражадаги эътиборлар самараси ўлароқ, юртимиз хотин-қизлари халқ фаравонлигига ва Ватан тараққиётига ўзларининг муносиб ҳиссаларини қўшмоқдалар.
Тадбирда “Қўнғирот сода заводи» МЧЖ хотин-қизлар комиссияси раиси Канназарова Нурсулыу Полатбаевна, “Навоийзот” АЖ хотин-қизлар комиссияси раиси Сайфиева Нигора Каримжановна, “Навоийзот” АЖ хотин-қизлар комиссияси аъзоси Султанова Гулзор Пирназаровна, “Деҳқонобод калийли ўғитлар заводи” МЧЖ хотин-қизлар комиссияси раиси Алимова Зебунисо, “Навоий электркимё заводи” АЖ хотин-қизлар комиссияси раиси Адизова Севара, Тошкент Кимё технология институти хотин-қизлар комиссияси раиси Исмаилова Лола Анваровна, “Фарғонаазот” АЖ хотин-қизлар комиссияси раиси Махмудова Феруза Артикова, “Laxisam Pharmaceuticals” МЧЖ хотин-қизлар комиссияси раиси Шоира Юлдашева, “Самарқандкимё” АЖ хотин-қизлар комиссияси раиси Давронова Луиза Исраилова, Сурхондарё вилояти «Агрокимёҳимоя» ҲАЖ хотин-қизлар комиссияси раиси Тоғаева Сафархол Тошпулатовна, “Максам-Чирчиқ” АЖ хотин-қизлар комиссияси раиси Куралова Раушан Аюбаевналар ўз маърузалари билан иштирок этдилар.
Шунингдек, семинар сўнгида “Деҳқонобод калий заводи” МЧЖнинг ижтимоий объектлари: корхона қошида очилган тикув цехи, “Жажжи кимёгар” мактабгача таълим муассасаси, корхона кутубхонаси ва соғломлаштириш марказига экскурсиялар ташкил этилиб, Шаҳрисабз шаҳрида жойлашган зиёратгоҳларга саёҳатлар уюштирилди.
Spelling error report
The following text will be sent to our editors: