“Энг моҳир лаборант” кўрик-танлови ўтказилди

Кимё ва фармацевтика саноати ходимлари касаба уюшмаси Республика Кенгаши тизимидаги корхона, ташкилот ва муассасаларда фаолият юритаётган ёшларни етук мутахассис бўлиб етишишлари, уларнинг инновацион ғоялари ва ташаббусларини қўллаб-қувватлаш ва муносиб шароитлар яратиш  мақсадида  бошланғич касаба уюшма ташкилотларида семинарлар, давра суҳбатлари ва кўрик-танловлар ўтказиб келинмоқда

 Тармоқ тизимидаги “Maxam-Chirchiq”  АЖ касаба уюшма қўмитаси томонидан ёшлар билан ишлаш комиссиясининг 2018 йил иш режасига мувофиқ “Энг моҳир лаборант” кўрик-танлови ўтказилди.

Кўрик-танловни ташкил этишдан мақсад корхонада мавжуд лабораторияларда фаолият юритаётган ёш мутахассисларни қўллаб-қувватлаш ва рағбатлантиришдан иборат.

Танловнинг якуний босқичида жамиятнинг барча ишлаб чиқаришлар лабораторияларида меҳнат қилаётган ва саралаб олинган 5 нафар лаборантлар иштирок этди.

Қатнашчилар танловнинг бир қатор шартлари бўйича синовлардан ўтиб, ўз билим ва иқтидорларини намойиш этдилар.

Кўрик-танлов якунига кўра ҳакамлар ҳайъати томонидан ғолиблар аниқланди. Унга кўра, Марказий лаборатория лаборанти Ш.Назарметова 1-ўринни, Техникавий назорат бўлими лаборанти С. Ўринқодирова 2-ўринни ва Буғ таъминоти цехи лаборанти Қ. Ўринэшимбетова 3-ўринни эгалладилар. Ғолиблар диплом ва эсдалик совғалари билан тақдирландилар.    Ғолиблар диплом ва эсдалик совғалари билан тақдирландилар.