VATAN UCHUN, MILLAT UCHUN, XALQ UCHUN!

Mamlakatimiz Mustaqilligining 34 yilligi arafasida Oʻzbekiston kasaba uyushmalari tomonidan mazkur Eng ulugʻ, eng aziz bayramga bagʻishlangan turkum tadbirlar oʻtkazilmoqda. Ularda turli sohalarda mehnat qilayotgan xodimlar, yoshlar va mehnat faxriylari ishtirok etmoqda.

Ana shunday tadbirlardan biri Oʻzbekiston Kimyo va farmatsevtika sanoati xodimlari kasaba uyushmasi Respublika Kengashi hamda “Oʻzkimyosanoat” AJ hamkorligida tashkil etildi. “Vatan uchun, millat uchun, xalq uchun!” shiori ostida oʻtkazilgan sport musobaqalarida soha xodimlari 2 bosqichda sportning mini-futbol, stol tennisi, voleybol, basketbol, gandbol hamda shaxmat turlari boʻyicha kuch  sinashdilar.

Musobaqalardan koʻzlangan maqsad – Prezidentimizning “Jamoaviy sport turlarini rivojlantirish va iqtidorli yoshlarni saralab olish tizimini takomillashtirish chora-tadbirlari toʻgʻrisida”gi Qarori ijrosini taʼminlash, shuningdek, Oʻzbekiston Respublikasi davlat Mustaqilligining 34 yillik bayrami hamda Oʻzbekiston kasaba uyushmalari harakatining 120 yilligi arafasida mehnatkashlarga koʻtarinki kayfiyat ulashishdir.

Musobaqalarning tarmoq tizimidagi korxona, tashkilot va muassasalarda oʻtkazilgan 1-bosqichida 2 mingga yaqin xodimlar ishtirok etdilar. Har bir musobaqa gʻoliblari korxonalar rahbariyati va boshlangʻich kasaba uyushma qoʻmitalari tomonidan munosib ragʻbatlantirildi.

Musobaqalarning Respublika bosqichi D.Mendeleev nomidagi Rossiya kimyo texnologiyalari universitetining Toshkent shahar filiali sport majmuasida oʻtkazildi.

 Unda 1-bosqich musobaqalarida saralab olingan va gʻolib boʻlgan 140 ga yaqin ishtirokchi bellashdi.

Musobaqalar yakuniga koʻra sportning shaxmat, mini-futbol, basketbol, voleybol, gandbol va stol tennisi turlari boʻyicha gʻoliblar va sovrindorlarga Kimyo va farmatsevtika sanoati xodimlari kasaba uyushmasi Respublika Kengashi va “Oʻzkimyosanoat” AJ tomonidan mukofotlar va esdalik sovgʻalari topshirildi.