QADRING BALAND BO’LSIN, ONA TILIM!

    O’zbek tilini davlat tili sifatidagi nufuzi va mavqeini tubdan oshirish maqsadida tarmoq tizimidagi korxonalarda bir qancha tadbirlar tashkil etildi.  Xususan, «Dehqonobod kaliy zavodi» АJda tilshunos olimlar, shoir-yozuvchilar bilan uchrashuvlar hamda “Tariximsan, taqdirimsan – ona tilim!» mavzusida madaniy-ma’rifiy tadbirlar tashkil etilib, san’atkorlar ishtirokida konsert dasturi namoyish etildi.

   Tadbir davomida jamiyatda o’tkazilgan «Diktant yozish” bo’yicha ko’rik-tanlov g’oliblarini hamda Davlat tilida ish yuritish va oʼ’zbek tilini yanada rivojlantirish ishlarida yuqori ko’rsatkichga erishgan xodimlar rag’batlantirildi.

  Tarmoq tizimidagi «Maxam-Chirchiq» АJ xodimlari milliy o’zligimiz va buyuk qadriyatlarimiz timsoli – oʼ’zbek tiliga bo’lgan yuksak ehtirom va hurmatlarini  #onatilimfaxrim chorlovida namoyon etdilar.

  Shuningdek, «Kimyogarlar» madaniyat saroyida  «21 oktabr – O’zbek tili bayrami kuni» munosabati bilan «Qadring baland bo’lsin, ona tilim!» shiori ostida korxonaning bir qator faol xotin-qizlari ishtirokida she’rxonlik kechasi oʼtkazildi.