“Farg’onaazot” акциядорлик жамиятида Ўзбекистон Республикаси Олий Мажлиси Қонунчилик палатаси, Ўзбекистон Республикаси Меҳнат вазирлиги, Кимё ва фармацевтика саноати ходимлари касаба уюшмаси ҳамда Ўзбекистон касаба уюшмалари Федерацияси Кенгаши билан ҳамкорликда “Меҳнатни муҳофаза қилиш тўғрисида” Қонуни янги таҳрири тарғиботига оид семинар ўтказилди.
Дастур доирасида корхона Даволаш соғломлаштириш диагностика цехининг тиббий реабилитация марказига ташриф уюштирилди. Иштирокчилар диагностикада яратилган шарт-шароитлар, санитар-гигиена ҳолати, зарур дори-дармон воситалари билан таъминланганлиги, врач ва тиббиёт ходимлари малакаси ва бошқа ҳолати ҳамда “Халқ қабулхонаси” фоалияти билан яқиндан танишдилар.
