Yangiyoʻl “Biokimyo” AJ kasaba uyushmasi tashkilotining hisobot-saylov konferensiyasi oʻtkazildi.
Konferensiyada Kimyo va farmatsevtika sanoati xodimlari kasaba uyushmasi Respublika kengashining ijtimoiy himoya masalalari boʻyicha bosh mutaxassisi N.Muzapparova va tashkiliy ishlar boʻyicha bosh mutaxassisi B. Quvatov, korxona kasaba uyushmasi qoʻmitasi raisi E.Nishonaliyev va ishlab chiqarish sehlaridan saylangan delegatlar ishtirok etdilar.
Konferensiyaga “Biokimyo” AJ kasaba uyushmasi qoʻmitasi raisi Elmurod Nishonaliyev raislik qildi. Konferensiyada tashkilotning 2020-2025-yillarda olib borilgan faoliyati yuzasidan kasaba uyushmasi qoʻmitasi raisi va taftish komissiyasining hisobotlari eshitildi. Konferensiya kun tartibiga koʻra tashkiliy masala koʻrildi. Unda yashirin ovoz berish yoʻli bilan muqobillik asosida “Biokimyo” AJ boshlangʻich kasaba uyushmasi qoʻmitasi raisi lavozimiga koʻpchilik ovozi bilan Nishonaliyev Elmurod Baxodirovich saylandi. Shuningdek, kasaba uyushmasi qoʻmitasining tarkibi, taftish komissiyasi tarkibi saylab olindi.
Respublika kengashi vakillari Oʻzbekiston kasaba uyushmalarining 120-yilligi munosabati bilan maʼruza qilib, tarixiy rivojlanish bosqichlari va bugungi kunda olib borilayotgan faoliyat boʻyicha maʼlumot berib oʻtdilar.
Delegatlar tomonidan kasaba uyushmasi faoliyatini yanada rivojlantirish yuzasidan takliflar bildirildi.
Spelling error report
The following text will be sent to our editors: