Xabaringiz bor kasaba uyushmalari organlarida vakolat muddatlari tugashi munosabati bilan fevral-aprel oylarida sex, boshlangʻich kasaba uyushmalari tashkilotlarida hamda birlashgan kasaba uyushmalari qoʻmitalarida hisobot-saylov yigʻilishlari va konferensiyalarini oʻtkazish rejalashtirilgan.
Oʻzbekiston kimyo va farmatsevtika sanoati xodimlari kasaba uyushmasi tizimidagi “Birinchi rezinotexnika zavodi” MCHJ XK kasaba uyushmasi tashkilotining hisobot-saylov konferensiyasi oʻtkazildi.
Konferensiya ishida “Birinchi rezinotexnika zavodi” MCHJ XK bosh direktori Gʻulomjon Ibragimov, Kimyo va farmatsevtika sanoati xodimlari kasaba uyushmasi Respublika kengashi raisi Nigora Alimdjanova, Oʻzbekiston kasaba uyushmalari Federatsiyasining Toshkent viloyati kengashi raisi Sayyora Fayziyeva, tarmoq kasaba uyushasi Respublika kengashi raisining oʻrinbosari Ibrohim Isoqov va ishlab chiqarish sexlaridan saylangan delegatlar ishtirok etdilar.
Konferensiyaga Respublika kengashi raisining oʻrinbosari Ibrohim Isoqov raislik qildi.
Konferensiyada tashkilotning 2020-2025-yillarda olib borilgan faoliyat yuzasidan ish beruvchi, kasaba uyushmasi qoʻmitasi raisi va taftish komissiyasining hisobotlari eshitildi.
Maʼruzalar oʻz nihoyasiga yetkach muhokamaga oʻtildi. Delegatlar tomonidan kasaba uyushmasi qoʻmitasining hisobot davridagi faoliyati “qoniqarli” deb baholandi va taftish komissiyasining hisoboti tasdiqlandi.
Konferensiya kun tartibiga koʻra tashkiliy masala koʻrildi. Unda yashirin ovoz berish yoʻli bilan muqobillik asosida “Birinchi rezinotexnika zavodi” MCHJ XK boshlangʻich kasaba uyushmasi qoʻmitasi raisi lavozimiga qoʻpchilik ovoz bilan Alimov Diyor Abdumalikovich saylandi. Shuningdek, kasaba uyushmasi qoʻmitasining tarkibi, taftish komissiyasi tarkibi hamda Kimyo va farmatsevtika sanoati xodimlari kasaba uyushmasi Respublika kengashining IV Qurultoyiga hamda Oʻzbekiston kasaba uyushmalari Federatsiyasining Toshkent viloyati kengashining IX Konferensiyasiga delegatlar saylab olindi.
Konferensiyada mehmonlar tomonidan Oʻzbekiston kasaba uyushmalari Federatsiyasi tomonidan amalga oshirilayotgan ishlar haqida va Oʻzbekiston kasaba uyushmalarining 120-yilligini munosib oʻtkazish boʻyicha fikr va mulohazalar bildirildi.
Delegatlar tomonidan bildirilgan takliflarni inobatga olgan holda kelgusidagi faoliyat yuzasidan ustuvor vazifalar belgilab olindi.
Spelling error report
The following text will be sent to our editors: