Joriy yilning 11-noyabr kuni tarmoq tizimidagi “Birinchi rezinotexnika zavodi” MCHJ ХКda O‘zbekiston kasaba uyushmalari kuni bayrami nishonlandi.
Bayram tantanasida korxonaning bosh direktori Gʻulomjon Inomovich Ibragimov hamda korxona kasaba uyushmasi qoʻmitasi raisi Diyor Abdumalikovich Alimovlar tabrik bilan soʻzga chiqdi.
Vatanimiz oʻz taraqqiyotining yangi davrini bosib oʻtayotgan, inson qadri, huquq va manfaatlarini taʼminlash barcha sohalarda biz uchun bosh maqsadga aylanayotgan hozirgi kunda hayotning oʻzi kasaba uyushmalari oldiga ham ulkan vazifalarni qoʻymoqda. Bayram munosabati bilan “Birinchi rezinotexnika zavodi” MCHJ ХК kasaba uyushmasi qoʻmitasining barcha aʼzolariga xodimlar manfaati yoʻlida amalga oshirilayotgan ezgu ishlari uchun minnatdorchilik bildirildi.
Tadbirning asosiy qismida korxonaning ishlab chiqarishida samarali mehnatlari va yutuqlari uchun, shu bilan bir qatorda, sport musobaqalari va “Zakovat” intellektual turniri gʻoliblari, kasaba uyushmasida faollik koʻrsatayotgan xodimlar diplom, tashakkurnomalar hamda qimmatbaho estalik sovgʻalari bilan taqdirlandilar.
Tadbir davomida barcha xodimlar uchun toʻkin dasturxon yozilib, osh tarqatildi.
Spelling error report
The following text will be sent to our editors: