ТОШКЕНТ КИМЁ-ТЕХНОЛОГИЯ ИНСТИТУТИДА КОНФЕРЕНЦИЯ БЎЛИБ ЎТДИ!

Барчага маълумки, ҳозирги кунларда корхона ва ташкилот жамоа шартномаларини тузиш, уларнинг бажарилишини кўриб чиқиш компанияси қизғин давом этмокда.

Жорий йилнинг 24 март санасида тармоқ тизимидаги Тошкент кимё-технология институти меҳнат жамоасининг конференцияси бўлиб ўтди. Унда касаба уюшма қўмита раиси Абдусаттор Абдурахмонов ташкилотнинг 2020 йилга мўлжалланган жамоа шартномаси бўйича амалга оширилган ишлар натижалари бўйича нутқ сўзлади.

Конференция давомида 2021 йил учун жамоа шартномасига ўзгартириш ва қўшимчалар киритиш масалалари кўриб чиқилди.

Конференция сўнггида жамоа шартномаси бажарилиши бўйича комиссия далолатномаси ўқиб эшиттирилди.